今天是TVB一哥，我前度老闆人稱六叔的邵逸夫百歲牛一，可喜可賀！

其實在半年前，全公司已下達一個地下指令，告知每一位員工﹙至少是我識果班），一個關於阿sir的生日禁忌！

有一句話，絕對絕對絕對唔可以在阿sir面前講，雖然有祝福意味，但對他來說卻是詛咒！

是甚麼呢？

其實應該不難猜，不就是：

祝你長命百歲囉！

阿sir現在已百歲高齡，你祝他長命百歲，不就是叫他到此為止？

一個人活上百歲已不易，要打理一間大型電視台，更非普通人所能，確是一代巨人才能辦到。

像我這等無名小卒，在TVB打工期間，雖不下一次跟阿sir碰面，包括訪問、新年排隊取平價利是，但要跟他搭訕，就真係無資格。

印象中，他對各位員工都很友善，在電梯遇上，也會向你微笑點頭，雖然唔知你係乜水。

《志雲飯局》應快找他上去做一次，講真，機會難逢。

邵氏曾經輝煌的歲月，我沒見識過；在我會入場看電影時，嘉禾已經雄霸天下。但從一些回顧電影的節目當中，不難發現邵氏兄弟曾經叱吒一時，這可是一等一的成就。

及後阿sir開立TVB，轉眼40年，仍是香港電視界一哥，雖然後人一塌胡塗，但電視強國相信還可風光至少5至10年。

我在職期間，阿sir最令我五體投地的一著，是買入《包青天》放在黃金時間播。當時幾近被人看死的做法，他依然力排罪議、一意孤行去做，結果贏出漂亮一杖，真係點到你唔服。

他一生人最大的問題，個人意見，是娶錯老婆。