香港新浪網 MySinaBlog
« 上一篇 | 下一篇 »
歐十十 | 5th Aug 2007 | 電影分享 | (1562 Reads)

平均分: 9.00 | 評分人數: 1

t2

上畫了個幾禮拜,昨天才去看《變形金剛》,都無所謂遲唔遲,因為這些電影沒有所謂神秘結局,不怕人家看了會說穿內容,當然當個個都講到好勁好勁果時,就會有想入場的衝動。

不過原來遲看都有好處,就係只要買戲票兩張,就會送上三張《變形金剛》postcard。

其實唔使出呢招,都一樣大把人入場啦,呢招似乎早出左喇。

t1

通常一套大片,初上的頭兩個星期,會把想先睹為快的的觀眾引了入場;到票房開始放緩既時候,就要諗計谷。

早年賣廣告是有效的,甚麼「昂然進入第x週」、「打破本土票房紀錄」之類的宣傳用語,會提醒一些想看而未有興趣看的人入場,亦可令電影捱到果期無競爭對手時,觀眾在無選擇下寧可選套感覺較優質的戲看。

現在當然無呢招歌仔唱,因為大家都知套戲落畫不久,三個月內必出DVD,何需這麼急進戲院?講緊20年前還有可能,因為當時的LD要等半年至一年才出,而且一出兩隻,咁有戲想睇當然睇左先啦。同埋以前邊有BT、下載呢樣野。

近年戲期越縮越短,要吸引第二輪觀眾入場,就要「利誘」。

《少林足球》第二段播映時期,用加長片段作招徠,效果好好,因為呢齣戲確值得一看再看,有朋友亦因此看兩次;到《功夫》重施故技,但就以蝦碌VCD作賣點,結果亦破了票房紀錄;不過甫落畫就出碟,就有d吹脹,雖然果段蝦碌片無收錄在DVD內。

今次《變形金剛》隨戲票送postcard,應該也是跟推廣有關。那三張postcard真的不錯喔,加埋印有logo的信封,很有收藏價值。

其實再過多一個星期推都得既,因為依我所見,票房走勢仍是超級凌厲。

送這個禮物,至少比Harry Porter購票二十張才能換領file好吧?

講返套戲,應該不少朋友看了吧?特技是無懈可擊的,把CG機械人的金屬感完全做出,光暗表現一流,無野講架喇!故事進展亦非常緊湊,偶有幽默地方,完全荷里活大片格局。

當然講究故事的,都意會到不會有甚麼驚喜,脈絡發展是意料之內的;除了柯柏文和大黃鋒易認﹙因為顏色明顯唔同﹚,其他的機械人真係忠奸難分,有時打到眼花撩亂,都唔係好知發生乜野事。

雖然當年套卡通都好似好hit下,又出左好多玩具,可惜童年時無睇過《變形金剛》,否則應該會更有親切感和投入度。


[1]

劇情雖然得啖笑,但特技真係無懈可擊,我最鍾意開頭美軍打直昇機同埋沙漠”揭”子怪獸果兩段,真係好緊張.

至於關於男主角既爛gag,係比較無謂,可能係俾時間觀眾去洗手間.

呢種戲我不考慮睇DVD,因為家中的電視同埋音響係普通貨色,買DVD都係晒氣,都係入戲院睇先得.


[引用] | 作者 米奇 | 5th Aug 2007 | [舉報垃圾留言]

[2]

好像個個男生都對嚟套好有情意結。︰P


[引用] | 作者 ★KuRuMi★ | 5th Aug 2007 | [舉報垃圾留言]

[3]

真的嗎?我還未看呢...
有好些電影是一定要到戲院看的,大銀幕加上好音效才能有最佳效果,變形金剛是其中之一
唔,可能下星期買飛睇早場...


[引用] | 作者 rice | 5th Aug 2007 | [舉報垃圾留言]

[4] Re:

呢類睇畫面的真的要入戲院。

講真,係食大眾市場,好似全盒咁乜都有。又算幾好食咁啦。

至於精美贈品,到外地有任拎的單張,香港欠奉。

米奇 :
劇情雖然得啖笑,但特技真係無懈可擊,我最鍾意開頭美軍打直昇機同埋沙漠”揭”子怪獸果兩段,真係好緊張.
至於關於男主角既爛gag,係比較無謂,可能係俾時間觀眾去洗手間.
呢種戲我不考慮睇DVD,因為家中的電視同埋音響係普通貨色,買DVD都係晒氣,都係入戲院睇先得.


[引用] | 作者 Ryan | 5th Aug 2007 | [舉報垃圾留言]

[5]

噢,未睇呀。

今天去看國之重寶第二期,正想到展覽要趁早睇,第一期,我二十分鐘睇晒那些畫(唔計清明上河圖);今天去睇,竟然全部畫都要排隊,每次排10-20分鐘:(


[引用] | 作者 Maisy | 5th Aug 2007 | [舉報垃圾留言]

[6]

我都申苯呀,第一日上就走去睇,諗住快人一步,點知走遲幾步有着數。

不過套戲係好睇的,CG無懈可擊,不過睇完之後就發覺蜘蛛俠有D屎!
哈~哈~~


[引用] | 作者 Alex | 6th Aug 2007 | [舉報垃圾留言]

[7]

聽十十兄講完「那三張postcard真的不錯喔,加埋印有logo的信封,很有收藏價值。」真係搞到我想睇多次...:P


[引用] | 作者 工人 | 7th Aug 2007 | [舉報垃圾留言]

[8]

米奇,特技簡直超晒班,無得講。男主角的爛gag其實唔好笑,佢父母過癮d,雖然都係意料中事。


[引用] | 作者 歐十十 | 9th Aug 2007 | [舉報垃圾留言]

[9]

★KuRuMi★,的確係喔,不過我個人無。個人比較想高達變真人電影版,但鬼佬做就撞邪了。


[引用] | 作者 歐十十 | 9th Aug 2007 | [舉報垃圾留言]

[10]

rice,真係值得捧場架!


[引用] | 作者 歐十十 | 9th Aug 2007 | [舉報垃圾留言]

Next