文生點一點頭：「呢位神秘人……係今次計劃(o既)重心人物，佢(o既)身份需要極度保密，大家可以同我一樣，叫佢做『傷口』。」很古怪的稱呼，大家不期然皺一皺眉，文生續道：「因為佢(o既)行動，將會對友台造成極大(o既)傷害，並會成為佢(o地)一個不能磨滅(o既)傷口。但到底呢個傷口會唔會好番，而只係留下一條疤痕？定係不停咁滲血破損，直至令(O個)個軀體死亡呢？就要靠我(o地)之後(o既)部署同攻擊。」

阿庭追問：「咁……(o個)位傷口其實佢(o既)任務係咩呢？」文生彈一彈煙灰：「你印象中，(o係)近十年(o既)娛樂節目中，當中最高收視(o既)環節係邊個呢？」阿庭想了一想：「轟動(o既)娛樂新聞差唔多一年都有幾單……名人逝世好似哥哥跳樓身亡、到桃色八卦(o野)好似『章小姐同白頭佬』，或『大長針訪港』，收視都超過30點……」文生做了一個暫停的手勢：「抱歉打斷你話柄，你頭先講(o既)娛樂新聞自然算震撼，但唔算係近十年最高收視。」

這時在場一位負責《大發現》的監製插嘴：「我知道，係『名伶爭產』！」阿庭問：「你點解咁肯定？」那監製道：「我當時做《睇甘D》，好留意對台(o既)收視；同《城市粒的》交手咁多年，輸得最甘(o個)次，咪就係(o個)單名伶爭產囉！當時佢(o地)播出(o個)個乜Q舅父破門而入(o個)一集，Rating創下新高！」

文生補充一句：「係40點收視！以非戲劇科節目(o黎)講，成績絕對非同凡響；如果以收視作計算，當時打破(o左)近五年(o既)收視紀錄！」

大家回想起那宗爭產事件，也不禁交頭接耳。當然，今時今日大家都已把事件淡忘，但沒有人會忘記當時每晚都在播放這家人的一舉一動，而名伶躺在醫院後，更有他每天的健康進程報道，這個現象放諸一個民智已開的社會，的確是匪夷所思的。

文生總結他的話：「一家人能夠引起公眾人士咁關心，關鍵就在於破門而入(o個)一集，因為(o個)集，從名伶(o既)家人炒(o野)，到(o個)兩個舅父大打出手，都係好真實咁呈現(o係)觀眾眼前！咁即係講明(o左)(o的)咩呢？」頓了一頓，他續道：「觀眾對於『真實』同『貼身』(o既)娛樂新聞好感興趣，因為一個名人(o既)生活，尤其係荒唐(o既)部分，素來只有文字作為描寫，但係呢單八卦新聞原來有真實畫面support，結果成單娛樂新聞(o既)價值，超出(o左)正規新聞可以去到(o既)地步！」

大家消化了文生的說話後，都覺得他所言非虛。其實由來以久，人們從資訊中取得最先的消息是透過文字，文字雖能想像卻不夠真實，結果當有圖片作輔助時，資訊的可信性便大大提高。

這亦反映出一個事實，就是為何街上的娛樂雜誌大多願意投放資源到狗仔隊身上，就是因為只要他們能夠拍到一張具有爆炸性的藝人真實醜聞圖片，便能引起讀者廣泛的閱讀興趣，從而加強該份雜誌的市場形象，也對銷量大有幫助。

就好像三年前某份雜誌刊登了一副女星的裸照，發書當日便銷售一空，即使後來因為輿論壓力而被逼停刊，但這又是另一個故事。

另一個例子，是台灣某份雜誌隨書附送女議員的春宮片，一樣引來極大震撼；不過這種擺明是沒道德的報道，雖然人性上是人人都想知道，亦不介意掏腰包買，但卻因為觸犯了社會上的道德規條，結果往往後遺無窮。

不過由此可知，只要是具有「市場價值」的報道，就算內容跟公眾利益無大關係，一樣可以賣個滿堂紅。好像Megan的肥老闆，他所辦的一份《香蕉日報》，一樣是行「市場主導」──以民主作包裝、用社會公義當招牌；但只要是可取的新聞，不管是不是娛樂八卦，都一樣可以放到頭條，有人說，其實它根本不是一份報紙，極其量，也不過是一件需要促銷的商品吧。

但只要賣到錢便行了，有誰管它是否目的正確？今天大多數的出版人、辦報人、雜誌搞手，甚至電視台高層，都是「以正義之名，行卑劣之事。」沒有誰比誰乾淨，因為大家都是一樣的髒！

(待續)