而他所說的「二撇雞」，其實是電視台中，人所共知的高層淫魔，屬於旅遊組「寰宇」的監製。當日歐十十跟他吵，是因為對方要他拍幾個主持「跳入鏡」然後說一大堆廢話的白痴Tag；所以給他狠狠的拒絕，繼而互相問候，還差點大打出手。
結果，順理成章，二撇雞幫了歐十十一把──當時他正有離開電視台的打算，而以語言跟二撇雞的媽媽強行發生性行為之後，歐十十很快便被公司「裁走」。
當日在眾人面前撕碎垃圾劇本；想不到今天，他卻被一直欣賞自己的好朋友說他所度出來的東西是「屎」！
或許，他真的回塘了。他的大腦，已經徹底回塘！
阿獠解釋自己的用意：「依家好多電視人，都無危機感，就算曾經幾咁叱吒一時，今日個腦都裝晒草，完全度唔到新(o野)，只係因循過活、行屍走肉咁做落去！」歐十十苦笑：「咁又點？『T台』就算只是播Color Bar出街，都可能會收視上超越對台！阿獠，算罷啦，你擔心咩？根本就無對手，就算『A台』播《功夫》，我估都係最多得十點咋！而且仲係玩一晚咁多！」
「十十，今次我有預感『A台』會有好凌厲(o既)攻擊！」歐十十打斷他的話：「佢仲可以做到咩呢？就算假設佢真係有殺手(金間) ，好快『T台』就會照copy過(o黎)當作己用，最後一樣被化解！如果係咪仲好，『T台』雖然係我娘家，但佢都惡得耐，成日製作一大堆垃圾節目出(o黎)，係時候要受下因果報應！」
阿獠終於提出自己此次打電話來的目的：「我想你返來幫手！」歐十十卻斬釘截鐵拒絕：「你知道我係點樣離開電視台(o架)，我點返(o黎)(o丫)！」始終二撇雞一日還在，他還有權力可以影響自己返回娘家。
況且，正如阿獠所說，他已無力創作，倒不如繼續做王大力旗下的創作主任好。
「你鍾意宜家(o既)工作咩？」阿獠的語氣充滿質疑；「唔錯丫，反正無咩做、又成日被靚女包圍！」阿獠怒吼了一句：「你忘記(o左)當初大家(o既)協定(O拿)？你將我(o地)(o既)理想都埋進屎眼裡面喇？」
理想……已經是很遙遠的事，歐十十說出了實話：「獠，一個人，如果連最低(O既)生存條件都唔可以達到的話，仲講乜鬼理想？」這可是千真萬確的事。
又傳來一陣沉默，這時歐十十的電話出現了「來電待接」的訊息，「獠，我有call，晏(o的)再打俾你。」「嗯。」一按掣，便傳出小新的聲音：「十十，你(o係)邊度？」歐十十沒好氣的道：「揀緊女啊！」「仲未揀完啊？」「今日有少少阻滯！」
「老闆叫你快點返(o黎)！」歐十十奇問：「發生咩事？」「你返(o黎)先至講！」歐十十唯有吩咐老何等他的電話，高速離開那幢破公寓。
臨走前，他望向那個會廣東話的湖南少女，對方正咬著下唇，幽幽的望向他。
看見女人有這樣的神情，歐十十感到非常不妙，因為這可會令他的思考能力減退近40%。
直覺告訴他，這少女一定不簡單；但有甚麼問題？他還未有頭緒。
因為他腦中，還存在那溫香軟玉的感覺；就算此刻右手是空著，但就是抓著空氣，也一樣感覺到。
只是那個畫面，卻回到了很久、很久以前。
心理上，仿似是前生的事情般遙遠。
＊ ＊ ＊
飛快的趕回會所，卻見王大力正與其他「師兄弟」在打桌球，不像有大事件發生……小新把歐十十拉往一旁，告知中午時的發現：「(o個)對男女擺明係玩(o野)……點可能女(o既)開車，又將個頭塞到落男(o既)下面？」
歐十十也認同：「邏輯上的確有問題，照咁睇，個女應該係負責開車，而個男就係負責舉機。」小新補充：「我都係咁諗，當我上前扮(目及)(o野)(o既)時候，順手用電話影(o左)張相，你睇下有無印象？」
由於剛才小新是在很匆忙的境況下拍攝，所以照片出來的效果很差……但也依稀看到阿勇的樣子，還有Megan只露出後頸的姿勢。
歐十十皺一皺眉：「呢個四眼仔……唔認得；至於條女……」他不禁倒抽一下涼氣：「係Megan！」
小新大為驚愕：「Megan？之前(係)『T台』做writer，後(o黎)發生「果單(o野)」後，無啦啦劈炮唔撈，走(o左)去做電影製片(o個)個Megan？」小新仔細的打量照片，他仍是半信半疑：「又好似係……但個個女人咁(o既)樣都差唔多(o架)啦！點解你一口咬定係佢？」
歐十十不想多解釋，只是肯定的說：「信我，真係Megan！」的而且確，以這樣的角度拍攝，是不可能認出相中人的。
但歐十十能認出是她，只有一個原因：
每一個跟他上過床的女人，他都不會忘記。
由其，對方是他曾經愛過的人。
(待續)
